1:24 م
Unknown
1- زيت قرنفل
2- سيتيال (مطهر)
3- حلاوة (يفضل رقة المشاعر)
4- ماكينة سيلكابيل
5- ماء ورد
6- نشا
الخطوات يا حلوات:
1- التخدير: ودة عن طريق زيت القرنفل بتدهنيه على المنطقة كلها وتحطي كيس نايلون (عشان الهدوم متمتصوش ويعمل مفعول) وتلبسي الأندر لمدة 20-30 دقيقة لحد المنطقة ما تنمل.
2- بعد مرور الوقت دة بتجيبي محلول سيتيال المطهر وتغسلي المنطقة كويس من الزيت وتنشفيها كويس بفوطة نضيفة.
3- نبدأ بأة في الإزالة من منطقة البيكيني بالسيلكابيل (شفرة المنطقة الحساسة) واحنا شادين الجلد وواحدة واحدة لحد ما نخلصها.
4- نجيب حتة حلاوة صغيرة جدا ونبدأ نشيل من منطقة الشفرتين حتة حتة لحد ما نخلصها. وانا بافضل حلاوة رقة المشاعر عشان هي كمان بتساعد في تخفيف الألم وبتقلل ظهور الشعر. بس في بعض الناس مش بتعرف تستخدمها لأن ليها طريقة خاصة.
5- هنلاقي لسة في شعرات صغيرة وقصيرة وممكن لونها فاتح دي بنشيلها بالسيلكابيل لكن بحذر شديد عشان منتعورش. كدة نكون خلصنا الإزالة.
6- بعد كدة نجيب نص كوباية مية ورد وعليها ملعقة نشا ونغمس فيها قطنة ونبدأ ننضف مكان الحلاوة كويس أوي ومنشطفش بمية غير بعد ساعة على الأقل.
بجد يا جماعة السر الكبير في الموضوع دة هو زيت القرنفل. بيخدر المنطقة تماما وبيخليكي تشيلي بدون ألم يذكر وممكن انتي لو معندكيش السيلكابيل تقضيها حلاوة.
وبجد حسيت بالفرق بين الطريقة دي وبين الحلاقة اللي كانت بتطلع الشعر بعدها بيومين غامق وتقيل ومنعكش وخشن وكانت بتسود المنطقة. لكن الحلاوة بجد بتنضف وتلمع والشعر بيطلع خفيف وناعم ومتأخر.
0 التعليقات:
إرسال تعليق